04 November, 2017 10:39:27 PM


കണ്ണൂര്‍ പഴയങ്ങാടിയില്‍ സ്വകാര്യ ബസുകള്‍ കൂട്ടിയിടിച്ച് അഞ്ച് പേര്‍ മരിച്ചു




കണ്ണൂര്‍: പഴയങ്ങാടിയില്‍ രണ്ടു സ്വകാര്യ ബസുകള്‍ തമ്മിൽ കൂട്ടിയിടിച്ച് ഒരു സ്ത്രീ ഉൾപ്പെടെ അഞ്ച് പേര്‍ മരിച്ചു. നിരവധിപ്പേര്‍ക്ക് പരിക്കേറ്റു. പരിക്കേറ്റവരില്‍ മൂന്നു പേരുടെ നില ഗുരുതരമാണ്. മരിച്ചവരിൽ ഒരാളെ തിരിച്ചറിഞ്ഞു. പാപ്പിനിശേരി സ്വദേശി മുസ്തഫയെയാണ് തിരിച്ചറിഞ്ഞത്. ചെറുതാഴം മണ്ടൂരിൽ ശനിയാഴ്ച രാത്രി എട്ടിനാണ് സംഭവമുണ്ടായത്.

നിർത്തിയിട്ട ബസിനു പിന്നിൽ അതിവേഗത്തിൽ വന്ന മറ്റൊരു ബസ് ഇടിക്കുകയായിരുന്നു. കനത്ത മഴയാണ് അപകടമുണ്ടാകാന്‍ കാരണമായതെന്ന് ദൃക്‌സാക്ഷികള്‍ പറഞ്ഞു. പരിക്കേറ്റവരെ പരിയാരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. അപകടമുണ്ടാക്കിയ ബസ് ഡ്രൈവറെ പോലീസ് കസ്റ്റഡിയിലെടുത്തു. ചെങ്കല്‍ സ്വദേശി പ്രതീഷിനെയാണ് കസ്റ്റഡിയിലെടുത്തത്. 



Share this News Now:
  • Google+
Like(s): 201