01 November, 2017 01:09:34 PM


ആധാർ നമ്പർ നൽകാതെ ആദായനികുതി അടക്കാമെന്ന് മദ്രാസ് ഹൈക്കോടതി



ചെന്നൈ: ആധാർ നന്പർ നൽകാതെ ആദായനികുതി അടയ്ക്കാൻ മദ്രാസ് ഹൈക്കോടതിയുടെ അനുമതി. ഇന്ന് മുതൽ ആദായനികുതി സമർപ്പിക്കേണ്ടതിന്‍റെ അവസാനദിനം വരെ ആധാറില്ലാതെ നികുതി സമർപ്പിക്കാമെന്ന് കോടതി ഉത്തരവിട്ടു. 

ചെന്നൈ സ്വദേശിയായ പ്രീതി മോഹന്‍റെ ഹർജിയിലാണ് കോടതി വിധി. ആദായ നികുതി അടയ്ക്കാൻ ആധാർ നിർബന്ധമാക്കിയ ഉത്തരവിൽ സുപ്രീം കോടതി ഇളവ് അനുവദിച്ചിരുന്നു. 139 എഎ വകുപ്പു പ്രകാരമാണ് കോടതി ഇളവ് അനുവദിച്ചത്. ഇതിന്‍റെ അടിസ്ഥാനത്തിലാണ് പ്രീതി ഹൈക്കോടതിയെ സമീപിച്ചത്. ആധാർ നിർബന്ധമാക്കിയ കേന്ദ്ര സർക്കാർ നടപടിക്കെതിരെ നേരത്തെ ബിനോയ് വിശ്വമാണ് സുപ്രീം കോടതിയെ സമീപിച്ചത്. 



Share this News Now:
  • Google+
Like(s): 17