22 October, 2017 12:38:02 PM


കൊല്ലത്ത് പ്രണയാഭ്യാര്‍ത്ഥന നിരസിച്ച യുവതിയെ വെട്ടിപ്പരിക്കേല്‍പിച്ചു



കൊല്ലം : പ്രണയാഭ്യാര്‍ത്ഥന നിരസിച്ച യുവതിയെ വെട്ടിപ്പരിക്കേല്‍പിച്ചു. സംഭവത്തില്‍ പൂവറ്റൂരിലെ യുവാവിനെതിരെ പോലീസ് കേസെടുത്തു. പൂവറ്റൂര്‍ പടിഞ്ഞാറ് കച്ചേരിമുക്ക് സ്വദേശി രതീഷിനെ (28) തിരെയാണ് പോലീസ് കേസെടുത്തത്. കഴിഞ്ഞ ദിവസം രാത്രിയാണ് സംഭവം. വെട്ടേറ്റ യുവതിയെ സ്വകാര്യാശുപത്രിയില്‍ പ്രവേശിപ്പിച്ചു.


ഏറെ നാളായി ബന്ധുവീട്ടില്‍ താമസിച്ചു വരികയായിരുന്ന യുവതി ബന്ധുവുമൊത്ത് സ്‌കൂട്ടറില്‍ കുടുംബ വീട്ടിലെത്തിയതായിരുന്നു. തിരിച്ചു പോകാനായി സ്‌കൂട്ടറില്‍ കയറിയപ്പോഴാണ് യുവാവിന്റെ ആക്രമണമുണ്ടായത്. ഒളിവിൽ പോയ യുവാവിനെ കണ്ടെത്താന്‍ പോലീസ് അന്വേഷണം ആരംഭിച്ചു. 



Share this News Now:
  • Google+
Like(s): 77