11 October, 2017 04:50:25 PM


ഉമ്മന്‍ചാണ്ടിയുടെ രാഷ്ട്രീയഭാവി വിഷയമല്ല; സിഡിയും ദൃശ്യങ്ങളും ഉണ്ടെന്ന് സരിത



തിരുവനന്തപുരം : മുന്‍ മുഖ്യമന്ത്രി ഉമ്മന്‍ചാണ്ടിയുടെ പ്രതിഛായ ഇനി തനിക്ക് വിഷയമല്ലെന്ന് സോളാര്‍ തട്ടിപ്പുകേസ് പ്രതി സരിത എസ്.നായര്‍. സിഡിയും ദൃശ്യങ്ങളും ഉണ്ടെന്നും നിലവില്‍ പുറത്തു വന്നിട്ടുള്ള കത്തില്‍ ഉള്ളതിനെക്കാള്‍ കൂടുതല്‍ വിവരങ്ങള്‍ വൈകാതെ പുറത്തു വിടുമെന്നും സരിത പറഞ്ഞു.

കേസുമായി ബന്ധപ്പെട്ട് ടെനിയും ബിജുവും അകത്ത് കിടക്കുമ്പോള്‍ മറ്റുള്ളവര്‍ പുറത്ത് വിരാചിക്കുന്നത് ശരിയല്ലെന്നും നിയമം എല്ലാവര്‍ക്കും ഒരുപോലെയാണെന്നും സരിത പറഞ്ഞു. എന്റെ ഇമേജ് വളരെ മോശമാണ്. അതുകൊണ്ട് ഞാന്‍ പറയുന്നത് ആരും വിശ്വസിക്കുന്നില്ല. എങ്കിലും പ്രതീക്ഷയുണ്ട്. ആരോപണങ്ങളില്‍ ഉറച്ചു നില്‍ക്കുന്നുവെന്നും പറഞ്ഞ കാര്യങ്ങളില്‍ സത്യമുണ്ടെന്ന് ഇപ്പോഴെങ്കിലും ബോധ്യപ്പെട്ടതില്‍ സന്തോഷമുണ്ടെന്നും സരിത കൂട്ടിച്ചേര്‍ത്തു



Share this News Now:
  • Google+
Like(s): 75