03 October, 2017 02:35:42 PM


സഹോദയ സർഗസംഗമം 2017: സിബിഎസ് സി സ്കൂൾ കലാമേളയ്ക്ക് തിരി തെളിഞ്ഞു



ഏറ്റുമാനൂർ: മധ്യകേരളത്തിലെ സി ബി എസ് ഇ സ്കൂളുകളുടെ കലാ കൂട്ടായ്മയായ സഹോദയയുടെ ഇരുപതാം വാർഷിക യുവജനോത്സവം - സർഗസംഗമം 2017 ന് മലയാള സിനിമയിലെ ലേഡി സൂപ്പർസ്റ്റാർ മഞ്ജു വാര്യർ തിരി തെളിച്ചു. കലോത്സവങ്ങൾ തനിക്കു ഗൃഹാതുരത്വം നൽകുന്നു എന്ന് മഞ്ജു വാരിയർ അഭിപ്രായപ്പെട്ടു. ഏറ്റുമാനൂർ മംഗളം സി ബി എസ് ഇ സ്കൂളിൽ ഒക്ടോബർ 5 വരെയാണ് കലാമേള നടക്കുന്നത്. കോട്ടയം, എറണാകുളം, ആലപ്പുഴ, ഇടുക്കി, പത്തനംതിട്ട ജില്ലകളിൽ നിന്നുള്ള 116 സ്കൂളുകളിലെ വിദ്യാർഥികളാണ് കലോത്സവത്തിൽ മാറ്റുരയ്ക്കുന്നത്.


ആന്‍റോ ആന്‍റണി എംപി  സർഗ്ഗസംഗമം  ഉദ്ഘാടനം ചെയ്തു. സുരേഷ് കുറുപ്പ് എം.എല്‍.എ സ്റ്റേജ് മത്സരങ്ങളുടെ ഉദ്ഘാടനം നടത്തി. യുവ സംവിധായകൻ ഫാന്‍റം പ്രവീൺ, നിർമാതാവും നടനുമായ ജോജു ജോർജ്, ജനപ്രിയ സംവിധായകൻ എബ്രിഡ് ഷൈൻ, ഡി 4 ഡാൻസ്  വിജയി റംസാൻ മുഹമ്മദ്, മുൻസിപ്പൽ ചെയർമാൻ  ജെയിംസ് തോമസ് പ്ലാക്കിതൊട്ടിയിൽ എന്നിവർ സന്നിഹിതരായിരുന്നു. 


പൊതു പരിപാടിക്ക്‌ ശേഷം 10 മണിക്ക് തുടങ്ങിയ കലാമത്സരങ്ങൾ കുട്ടികളുടെ സർഗ്ഗശേഷി വിളിച്ചോതുന്നതായിരുന്നു. 2500 ത്തോളം കുട്ടികളാണ് 23 വേദികളിൽ നടക്കുന്ന ഇന്നത്തെ മത്സരത്തിൽ മാറ്റുരക്കുന്നത്. പ്രൊഫഷണൽ നാടക രീതികൾ അവലംബിച്ചു കുട്ടികൾ അവതരിപ്പിച്ച നാടകങ്ങൾ കാലികമായ സംഭവങ്ങളുടെ നേർകാഴ്ചയായി. പഴയിടം മോഹനൻ നമ്പൂതിരിയാണ് ഭക്ഷണത്തിന്റെ ചുമതല റ്റെടുത്തിരിക്കുന്നത്. 




Share this News Now:
  • Google+
Like(s): 54