30 September, 2017 09:45:27 AM


ബോളിവുഡ് നടനും സംവിധായകനുമായ ടോം ആൾട്ടർ അന്തരിച്ചു



മുംബൈ (30/9/17): ബോളിവുഡ് നടനും സംവിധായകനും എഴുത്തുകാരനുമായ ടോം ആൾട്ടർ (67) അന്തരിച്ചു. ശനിയാഴ്ച പുലർച്ചെ മുംബൈയിലെ വസതിയിൽ വച്ചായിരുന്നു അന്ത്യം. ചർമത്തിലെ അർബുദത്തിന്‍റെ നാലാം സ്റ്റേജിലായിരുന്നു ആൾട്ടർ. 300ൽ അധികം ചിത്രങ്ങൾ അഭിനയിച്ച ആൾട്ടർക്ക് 2008 ൽ പത്മശ്രീ ബഹുമതി നൽകി രാജ്യം ആദരിച്ചിരുന്നു. 1976ൽ പുറത്തിറങ്ങിയ ചരസിലൂടെയാണ് അദ്ദേഹം സിനിമ ലോകത്തേക്ക് പ്രവേശിച്ചത്. പിന്നീട് ശത് രഞ്ച് കേ കിലാഡി, ക്രാന്തി, രാ തേരി ഗംഗ, ഗാന്ധി തുടങ്ങി നിരവധി ഹിറ്റ് ചിത്രങ്ങളുടെ ഭാഗമായി. 1990കളിൽ അഞ്ച് വർഷം പ്രക്ഷേപണം ചെയ്ത ജുനൂർ എന്ന സീരിയലിലെ അഭിനയം അദ്ദേഹത്തിന് ഏറെ പ്രശംസ നേടിക്കൊടുത്തു. 1950ൽ മസൂറിയിലാണ് അമേരിക്കൻ വംശജനായ ആൾട്ടർ ജനിച്ചത്. അമേരിക്കയിൽ ഉപരിപഠനത്തിന് ശേഷം അദ്ദേഹം1970 ൽ ഇന്ത്യയിൽ തിരിച്ചെത്തി. പിന്നീട് പുണെ ഫിലിം ഇൻസ്റ്റിറ്റ്യൂട്ടിൽ നിന്ന് സ്വർണ മെഡലോടെ അഭിനയത്തിൽ ബിരുദം സ്വന്തമാക്കി. 



Share this News Now:
  • Google+
Like(s): 171