Breaking News
അമേരിക്കൻ എഴുത്തുകാരൻ ജോർജ് സാൻഡേഴ്സിന് ബുക്കർ പ്രൈസ്.... കേന്ദ്ര സര്‍ക്കാരിന്‍റെ നോട്ടു നിരോധനത്തെ അനുകൂലിച്ചതിന് മാപ്പ് ചോദിച്ച് കമല്‍ഹാസന്‍... സോളാർ കമ്മീഷൻ റിപ്പോർട്ടിന്‍റെ അടിസ്ഥാനത്തിൽ മുൻ അന്വേഷണ സംഘത്തിനെതിരെ നടപടിയെടുക്കാനുള്ള സർക്കാർ നീക്കത്തിനെതിരെ ഉദ്യോഗസ്ഥർ രംഗത്ത്.... ഇന്ന് യുഡിഎഫ് യോഗം ചേരും. യോഗത്തില്‍ സോളാര്‍ കമ്മീഷന്‍ റിപ്പോര്‍ട്ടും വേങ്ങര ഫലവും ചര്‍ച്ചയാകും.... യുവനടിയെ ആക്രമിച്ച കേസിൽ നടൻ ദിലീപ് ഒന്നാം പ്രതിയായേക്കും... ഗൂഢാലോചന കൃത്യത്തിൽ പങ്കെടുത്തതിന് തുല്യമെന്ന് നിയമോപദേശം.... ഗതാഗത മന്ത്രി തോമസ് ചാണ്ടി അവധിയിൽ പ്രവേശിക്കുന്നു....

27 September, 2017 01:53:57 PM


ജയലളിതയുടെ വിരലടയാളം നാമനിര്‍ദേശ പത്രികയില്‍; തെരഞ്ഞെടുപ്പ്​ കമീഷന്​ നോട്ടീസ്​




ചെന്നൈ: എ.ഐ.എ.ഡി.എം.കെ സ്​ഥാനാര്‍ഥി നിയമസഭാ തെരഞ്ഞെടുപ്പിന്​ സമര്‍പ്പിച്ച നാമനിര്‍ദേശ പത്രികയില്‍ ജയലളിതയുടെ വിരലടയാളം പതിപ്പിച്ചത് വിവാദമാകുന്നു.​ ഇതു സംബന്ധിച്ച്‌​ ഡി.എം.കെ നല്‍കിയ പരാതിയില്‍ തെരഞ്ഞെടുപ്പ്​ കമീഷന്​ ഹൈകോടതി നോട്ടീസ്​ അയച്ചു. മദ്രാസ്​ ഹൈകോടതി ജസ്​റ്റിസ്​ പി.വേല്‍മുരുകനാണ്​ തെരഞ്ഞെുപ്പ്​ കമീഷന്‍ പ്രിന്‍സിപ്പല്‍ ​സെക്രട്ടറിക്ക്​ നോട്ടീസ്​ അയച്ചത്​. 

എ.ഐ.എ.ഡി.എം.കെ സ്​ഥാനാര്‍ഥി എ.കെ ബോസി​ന്‍റെ ​അപേക്ഷയില്‍ ജയലളിതയുടെ വിരലടയാളം പതിപ്പിച്ചിരുന്നു. വിരലടയാളത്തിന്​ ജയലളിതയെ ചികിത്​സിച്ചിരുന്ന ഡോക്​ടറുടെ സാക്ഷ്യപത്രം സഹിതമാണ്​ അപേക്ഷ സമര്‍പ്പിച്ചത്​. ഇക്കാര്യത്തില്‍ ഒക്​ടോബര്‍ ആറിന്​ കോടതിയെ വിശദീകരണം അറിയിക്കണമെന്നാണ്​ നോട്ടീസില്‍ ആവശ്യപ്പെട്ടിരിക്കുന്നത്​. 2016 സെപ്​തംബര്‍ 22നാണ്​ ജയലളിതയെ ആശുപത്രിയില്‍ പ്രവേശിപ്പിച്ചത്​. ഡിസംബര്‍ അഞ്ചിന്​ മരണപ്പെടുകയും ചെയ്​തു. നവംബര്‍ 19നാണ്​ മൂന്ന്​ മണ്ഡലങ്ങളില്‍ തെരഞ്ഞെടുപ്പ്​ നടന്നത്​. 

മധുരക്ക്​ സമീപത്തെ തിരുപ്പരന്‍കുദ്രത്തില്‍ നിന്നാണ്​ എ.കെ ബോസ്​ മത്​സരിച്ച്‌​ ജയിച്ചത്​. ബോസിന്‍റെ എതിരാളി ഡി.എം.കെ സ്​ഥാനാര്‍ഥി പി. ശരവണനാണ് നാമനിര്‍ദേശ പത്രികയില്‍ നിയമ ലംഘനമുണ്ടെന്ന്​ കാണിച്ച്‌​ കോടതിയെ സമീപിച്ചത്​. സ്​​ഥാനാര്‍ഥിയുടെ പാര്‍ട്ടി നേതാവ്​ ഒപ്പുവെക്കേണ്ടിടത്താണ്​ ജയലളിതയുടെ വിരലടയാളമുള്ളത്​. വിരലടയാളം ജയലളിതയെ പരിശോധിക്കുന്ന ഡോക്​ടര്‍ അറ്റസ്​റ്റ്​ ചെയ്​തിട്ടുണ്ട്​. ഇത്​ തെരഞ്ഞെടുപ്പ്​ ചട്ടങ്ങളുടെ ലംഘനമാണ്​. എന്തുകൊണ്ടാണ്​ അവര്‍ അപേക്ഷയില്‍ ഒപ്പു വെക്കാതിരുന്നതെന്ന്​ ശരവണന്‍ ചോദിക്കുന്നു.

ജയലളിതക്ക്​ ശ്വാസകോശാണുബാധയായിരുന്നു. വലതു കൈയില്‍ മുറിവേറ്റിട്ടു​ണ്ടായിരുന്നു. കൈ താത്​കാലികമായി ചലിപ്പിക്കാന്‍ സാധിക്കാത്ത അവസ്​ഥയിലായിരുന്നെന്നും ഡോക്​ടര്‍മാര്‍ പറയുന്നു. അതിനാല്‍ ഇടതു കൈയുടെ വിരലടയാളമാണ്​ അപേക്ഷയില്‍ പതിപ്പിച്ചതെന്നും ഡോക്​ടര്‍മാര്‍ അറിയിച്ചു.



Share this News Now:
  • Google+
Like(s): 497