26 September, 2017 04:27:15 PM


മാറ് മറയ്ക്കാന്‍ ആഭരണങ്ങള്‍; അര്‍ദ്ധനഗ്നരായി 15 ദിവസം പൂജാരിക്കൊപ്പം പെണ്‍കുട്ടികള്‍



മധുരൈ: ക്ഷേത്രാചാരങ്ങളുടെ ഭാഗമായി പെണ്‍കുട്ടികളെ പാതി നഗ്നയാക്കി പാര്‍പ്പിച്ചു. തമിഴ്‌നാട്ടിലെ മധുരൈയിലുള്ള ക്ഷേത്രത്തിലാണ് സംഭവം. മാറ് മറയ്ക്കാന്‍ ആഭരണങ്ങള്‍ മാത്രമാണ് ബന്ധപ്പെട്ടവര്‍ പെണ്‍കുട്ടികള്‍ക്ക് നല്‍കിയത്. സംഭവത്തില്‍ കളക്ടര്‍ ഇടപെട്ടതോടെ പെണ്‍കുട്ടികള്‍ക്ക് ശരീരം മറയ്ക്കാന്‍ വസ്ത്രം നല്‍കി.


ഏഴ് പെണ്‍കുട്ടികളാണ് പതിനഞ്ച് ദിവസത്തോളം ക്ഷേത്രത്തില്‍ തടവില്‍ കഴിഞ്ഞത്. ക്ഷേത്രത്തിലെ പൂജാരിയും ഇവര്‍ക്കൊപ്പമുണ്ടായിരുന്നു. ദൈവമെന്ന നിലയിലാണ് പെണ്‍കുട്ടികളെ ഇത്തരത്തില്‍ പാര്‍പ്പിച്ചത്. മാതാപിതാക്കള്‍ തന്നെയാണ് കുട്ടികളെ ഇത്തരത്തില്‍ ആചാരങ്ങള്‍ക്ക് പ്രേരിപ്പിക്കുന്നത്.


സംഭവം അറിഞ്ഞതിന് പിന്നാലെ മധുരൈ കളക്ടര്‍ കെ വീര രാഘവ റാവു വിഷയത്തില്‍ ഇടപെട്ടു. ഒരു സംഘം ഉദ്യോഗസ്ഥരെ സ്ഥലത്തെത്തിച്ച് പെണ്‍കുട്ടികള്‍ക്ക് വസ്ത്രം നല്‍കി. പെണ്‍കുട്ടികള്‍ അധിക്രമം നേരിട്ടിട്ടുണ്ടോ എന്ന് പരിശോധിക്കും. ഗ്രാമത്തില്‍ നിന്നും നിരവധിയാളുകളാണ് ഈ ചടങ്ങില്‍ പങ്കെടുക്കാനെത്തുന്നത്. സംഭവം നടക്കുമ്പോള്‍ അറുപതോളം പേര്‍ സ്ഥലത്തുണ്ടായിരുന്നു.



Share this News Now:
  • Google+
Like(s): 1790